In Diever zag Hans Salverda de straotnaeme Bultie bi’j de krusing mit de Vlasstraote. Et zal grif zo wezen dat daor argens wat een verhoging in et laandschop zit.
Stellingwarfs in et ‘wild’
Fotorebriek Stellingwarfs in et eupenbaor
506. ’t Hoffien
In verzorgingshuus BerkenStede in Wolvege is een ruumte die ’t Hoffien hiet. Al die Stellingwarver naemen in et gebouw geven de meensken grif wel een betien een vertrouwd gevuul. (Foto en tekst: Johan Veenstra)
505. De Trefhoeke
Ien van de ruumten in verzorgingshuus BerkenStede in Wolvege hiet De Trefhoeke. Dat is grif een mooie ruumte om mekeer tegen te kommen. (Foto en tekst: Johan Veenstra)
504. De Buurte
In et verzorgingshuus BerkenStede in Wolvege, dat vroeger Groot Soolstede hiette, hebben ze verschillende ruumten waor van alles daon wodden kan. En die ruumten hebben Stellingwarver naemen. Op botties kuj’ zien hoe aj’ lopen moeten om d’r te kommen. Zo kuj’ bi’jveurbeeld naor De Buurte om een praotien te maeken mit de aandere bewoners. (Foto en tekst: Johan Veenstra)
503. Vroege voegelhokkies
In Steggerde kuj’ vroege voegelhokkies kopen, en om de pries hoej’ dat niet te laoten! (Foto en gegevens: Hans Salverda)