143. Kiek es

  

Van Henk Jager uut Berkoop kwammen disse beide foto’s binnen veur de rebriek Stellingwarfs in ‘t wild.  De naeme ‘kiek es’ is de naeme van et snoepwinkeltien in Wolvege an de Heufdstraote-Oost. Soms wodt ok wel es ‘Kiekes’ schreven, dat is vanzels niet goed. De winkel in Wolvege het et wel goed veur mekere!

142. De Stoeke

De Stoeke is een straotnaeme in Wolvege, in een buurt daor de naemen wat te maeken hebben mit et riet- en waeterlaand van de Westhoeke van West-Stellingwarf. Een bepaold tal bossen of garven rogge of (in dit geval) riet wodt an de stoeke zet. (Foto en tekst: Johan Veenstra)

139. Kom mar veerder

  

Waor aj’ Berkoop ok binnenkommen, ie wo’n altied welkom hieten mit een mooi spreukien van Lamkje Hof-de Boer (1908-1991). Zoas hier an et oolde en zo mooie Schuinpad:

Kom mar veerder rie mar deur

Want ie bin aanst zo te plak

In oons mooie kleine dörpien

Bin ie zo op je gemak