In Wolvege en Et Vene hebben ze de mooie, oolde postkantoren indertied tegen de vlakte sleugen. In Frederiksoord bin ze een stok verstaandiger west. Daor staot et nog recht overaende en is et een sieraod veur et toch al mooie dörp. Et hiet now van Huygens Huys. Et aorige is dat twie kaemers in et gebouw streektaelnaemen hebben. In De Eetkaemer kuj’ wat drinken en eten. Ze serveren daor lunchgerechten daor biologische streekprodukten in verwarkt binnen. (Foto’s en tekst: Johan Veenstra)