Redaktie

Op 4 september zag Henk Jager uut De Blesse disse feestelike ankondiging van een fesien veur iene die 50 jaor wodde en an de Nieksweg in Blesdieke woont.

Hans Salverda het d’r hiel wat veur over om foto’s te maeken veur disse rebriek… Zo zag hi’j Uut Else staon op een veur him uut riedende vrachtauto van De Samenwerking… uut Else. Mar et is him lokt, al was hi’j intied wel halverwege Drenthe…!!

Henk Jager van De Blesse zag disse stikker van schietsportverieninge ’t Koegeltien op een brievebusse in zien dörp. 

In de tied dat de proemen riepe binnen, hoolt Noordwoolde zien jaorlikse Proemenmarkt. Of d’r daor dan ok warkelik veul proemen te koop binnen, wet de redaktie niet. Dat, mar es even kieken op 31 augustus kommenwegen. Hans Salverda die disse foto maekte gaot grif ok even henne!

Vlanbi’j ‘Het Mad’ in Oosterwoolde (zie 534) zag Hans Salverda de straotnaeme ‘De Fenne’ en maekte ok hier een foto van. Et kan hier doelen op een oolde venne die hier eerder west het, of et kan verwiezen naor een hoeke laand die lege lag en daoromme vaeke nat was. Now wodde mit naeme vroeger wel vaeker ‘Fenne’ schreven, mar et woord het gewoon dezelde betekenis as ‘Venne’.