Et dörpshuus van Makkinge hiet ’t Trefpuntien. Dat is te lezen op een bottien dat daor veur et raem hangt. Veur de foto mit tekst veur de rebriek Stellingwarfs in et ‘wild‘ zorgde Johan Veenstra.
Redaktie
153. Kienderhoek
Dit is allemaole verleden tied… In de oolde ulo van Wolvege was een kienderopvang mit de naeme Kienderhoek. Die naeme wodde indertied bedocht deur Fettje Alten. Mar… de oolde ulo is laestdaegs ofbreuken en de Kienderhoek is vot. D’r wo’n aanst huzen bouwd op dat plak. (Foto en tekst: Johan Veenstra)
Gelokkig ni’jjaor!
Redaktie StellingPlus en mitwarkers Stellingwarver Schrieversronte weensken jim allemaole een hiel gelokkig 2018 toe!
(Foto neutepolle 3-1-2018, Sietske Bloemhoff)
Stellingwarver flesse-eupener
Harmen Houtman uut Et Vene stuurde disse foto op van een mooie en biezundere flesse-eupener. Omreden de kabberetgroep ‘The Flying Stars’ dit jaor 70 jaor bestaon gavven ze kotleden alle bezukers bi’j heur feestelike première zoe’n flesse-eupener mit een Stellingwarver tekst mit. Om daor een flessien fris, bier of wien mit te eupenen en zo disse heugelike jaordag vieren te kunnen. Op de eupener staot Veur ’n aovend gezellig vot hael ie The flying Stars in huus. En die anrikkemedaosie kuj’ beslist hiel serieus nemen, want een optreden mitmaeken van disse groep is meer as de muuite weerd!
152. ’t Oolde geveltien
Henk Jager van Berkoop stuurde ok disse foto naor oons toe veur de rebriek Stellingwarfs in et ‘wild’. De naeme ”t Oolde geveltien’ zag hi’j op een huus an de Pieter Stoefzaandweg in Ooldetriene.