Tael buten deure

Tiedens et dörpsfeest van 2019 in Ni’jhooltpae zag ik dit bod bi’j mi’j op ‘e buurt. Dit is eins hiel biezunder. As dit in de juuste spelling schreven was hadde d’r staon: Even pauze. Mar… dan zo’k d’r gien foto van maekt hebben. Dan ha’k docht dat et Nederlaans was. Mar now is et hiel dudelik een Stellingwarfstaelig bottien! (Foto en tekst: Johan Veenstra)

d’ Oolde Slaachteri’je is de naeme van een huus in Noordwoolde-Zuud. D’r het in vroeger daegen grif een slaachteri’je in dit huus west. Dat kan haost niet aanders, zoj’ zo zeggen. (Foto’s en tekst: Johan Veenstra)

Vandaege 13 meie 2020 is Schrieversrontemitwarkster Anneke Steenbeek 50 jaor wodden. Dat is veur iederiene die dit bod veur heur huus staon zicht wel dudelik! Dat Anneke heur inzet veur et Stellingwarfs, daor zal ok gieniene an twiefelen… En dat gelt wis en zeker ok veur de maekers van dit prachtige bod! Anneke, ok zo nog even: VAN HATTE FIELSETEERD!!

Bi’j et netuurbelevingspunt Johannes Visser zien plakkien in Ni’jhooltpae staot een Dierezuker. Van alderhaande dieren die daor in de omgeving veurkommen, kuj’ op dit bod van alles geweerwodden. (Foto en tekst: Johan Veenstra)

Kuunderhof is een straotnaeme in Oosterwoolde. An disse straote staot een appattementekompleks dat dezelde naeme het. (Foto en tekst: Johan Veenstra)