Jong van hatte mit et Stellingwarfs de toekomst in
Et is vanzels hiel gewoon dat d’r ok Stellingwarver naemen in ’t wild buten de Stellingwarven veurkommen. Et Stellingwarfs wodt ja niet allienig in de Stellingwarven praot, mar ok in de angreenzende gebieden van Drenthe en Overiessel. Et MFC van et dörp Willemsoord het dan ok een mooie Stellingwarver naeme. En ok nog in de juuste spelling! (Tekst en foto: Johan Veenstra)
Opni’j bruukt de perveensie et Stellingwarfs bi’j et angeven van et doel van ien van heur warkzemheden. Dit keer gaot et om de inrichting veur netuur, waeter en rekreaosie bi’j Wolvege Zuud. Et is arg mooi dat now struktureel et Stellingwarfs op disse wieze bruukt wodt. De foto wodde instuurd deur Annie Dedden van Blesdieke.
D’r kommen niet allienig Stellingwarfstaelige teksten in ’t wild in de Stellingwarven veur, mar daorbuten ok! Dat is vanzels een goeie zaeke! Een schoffien leden wodde d’r een poëzieroute eupend om Oranjewoold henne. In Katliek is et gedicht De hujbarg van Harmen Houtman op een keurig bottien te lezen. De foto’s maekte Jacob Jellema, en die wodden mit de bi’jheurende tekst instuurd deur Johan Veenstra.
De naeme Meulereed kwam tot now an toe al twie keer veur in de serie Stellingwarfs in ’t wild. Nommer 6 was de straotnaeme Meulereed in Berkoop en nommer 62 was et netuurgebied van It Fryske Gea. Mar in dat netuurgebied, vlakbi’j de sluus van Ooldehoorn, staot een bod dat daor een vistrappe is. Dat is vanzels een goed ding! De vissen moe’n zwemmen kunnen waor ze mar willen! (Johan Veenstra
In Makkinge is een straote mit de naeme Meulebosweg. Et is een ziedweg van de oolde weg van Berkoop naor Makkinge. Disse foto veur Stellingwarfs in ’t wild wodde instuurd deur Johan Veenstra.