De twiede Stellingwarver naeme op et park De Hildenberg bi’j Appelsche is ‘Koele’. Alle naemen hebben te maeken mit et golven; Akkie Zeilstra van Raevenswoold stuurde ok disse foto in.
Stellingwarfs in et ‘wild’
Fotorebriek Stellingwarfs in et eupenbaor
67. Gruun
Bi’j Appelsche hej’ de Butenplaets De Hildenberg, een prachtig park mit luxe villa’s en een uutdaegende golfbaene. Et park dreegt de naeme van de oolde buurtschop ‘Hildenbarg’, daor laeter dit jaor over te lezen is in et Stellingwarfs tiedschrift ‘De Ovend’. Et adres van De Hildenberg is ‘Gruun’, een Stellingwarver naeme. Mar ok de weggies op et park zels hebben Stellingwarver naemen. Akkie Zeilstra van Raevenswoold stuurde de foto op veur ‘Stellingwarfs in et wild’.
66. ’t Zunnehuus
In Oosterwoolde staot an de Oerkampweg een huus mit al herwertsjaoren de prachtige Stellingwarver naeme ’t Zunnehuus. Et is al weer nommer 66 in de riegel van Stellingwarver naemen in ’t wild!
65. Et West
Een appattementekompleks in Wolvege het de naeme Et West. Dat is een toepasselike naeme, want et staot op et west van Wolvege. De foto’s veur Stellingwarfs in et ‘wild’ wodden instuurd deur Johan Veenstra.
64. ’t Kiekhuus
An de Grindweg in Wolvege vien ie Museum ’t Kiekhuus. Et museum, dat in een vroegere bakkeri’je zien plak vunnen het, bestaot al sund 1988. In et museum is o.e. een prachtige verzaemeling oolde blikken en blikkies te zien, mar ok een oolde schoeleklasse. De foto veur Stellingwarfs in et ‘wild’ wodde instuurd deur Annie Dedden.