198. de Struke

‘de Struke’, is ok een woonruumte binnen de sleuten ofdieling van Woonzorgcentrum Lindestede in Wolvege. Ok veur disse foto’s veur Stellingwarfs in et ‘wild’ zorgde Annie Dedden.

197. de Blekber

Een ere mooie Stellingwarver naeme in de sleuten ofdieling van LindeStede is ‘de Blekber’. Blekber is et mooie oolde Stellingwarver woord veur de ‘blauwe bosbes’. Zoe’n bosbeiestrukien wodt ok wel ‘blekberpolle’ nuumd. Veur de foto’s zorgde Annie Dedden.

196. de Stiekel

Annie Dedden van Wolvege maekte nog wat meer foto’s van Stellingwarver naemen in et woonzorgcentrum LindeStede in Wolvege. Ok de sleuten ofdielings hebben daor een Stellingwarver naeme, zoas ‘de Stiekel’.

195. De oolde revier De Kuunder …

Bi’j de sluus en de brogge over de revier De Kuunder in Ni’jberkoop vien ie een taelmonement (zie nr. 194 in disse serie). Vlak veur dat monement is een infermaosiepaol plaetst, waor wat over et Stellingfwarfs en et Fries te lezen vaalt.

194. Gaon.Moe’n ienkeer

Op et eilaantien bi’j de sluus en de brogge over De Kuunder bi’j Ni’jberkoop staot dit taelmonement. De Kuunder wodt van ooldsher roegweg zien as de taelgreens tussen et Stellingwarfs en et Fries. Et monement wodde maekt deur Atte Jongstra en is in 1999 hier plaetst. De Stellingwarver tekst is:
‘Gaon. Moe‘n ienkeer. Overstikken dommiet. Telane kommen. Deurzicht‘; de Friese: ‘Komme. Tusken twa wrâlden telâne. Op in grins bliuwe wolle. Útsicht.’