Stellingwarfs in et ‘wild’

Dit is allemaole verleden tied… In de oolde ulo van Wolvege was een kienderopvang mit de naeme Kienderhoek. Die naeme wodde indertied bedocht deur Fettje Alten. Mar… de oolde ulo is laestdaegs ofbreuken en de Kienderhoek is vot. D’r wo’n aanst huzen bouwd op dat plak. (Foto en tekst: Johan Veenstra)

Henk Jager van Berkoop stuurde ok disse foto naor oons toe veur de rebriek Stellingwarfs in et ‘wild’. De naeme ”t Oolde geveltien’ zag hi’j op een huus an de Pieter Stoefzaandweg in Ooldetriene.

Veur de 150-e foto mit een Stellingwarver naeme in et wild – in dit geval  de naeme ‘Jan van Dam’s broggien’ – zorgde Henk Jager van Berkoop. Hi’j maekte de foto an ’t Voetpad bi’j Spange.

Nommer 139 van de serie ‘Stellingwarfs in ’t wild’ was de eerste die we plaetsten van de mooie bodden in Berkoop mit spreukies van Lamkje Hof-de Boer (1908-1991). Dit bod staot bi’j de Meulehoeke:

Vroeger mos ie hier tol betaelen

Mar now is hier alles vri’j

Ie meugen hier overal henne dwaelen

Berkoop ropt: kom bewonder mi’j