Oflopen 14 jannewaori raekte Zwaantje Kuiters-Keizer uut de tied. Al vanof et begin van de Stellingwarver Schrieversronte was Zwaantje Kuiters aktief bi’j de stichting betrokken. Ze was iene van de eerste meensken die de kursus ‘Stellingwarfs veur beginners’ volgde; laeter was ze jaorenlang kursusleider veur diezelde kursus. Zwaantje was ok aktief in et woordeboekwark t.b.v. et Stellingwarfs Woordeboek en zat tien jaor in et bestuur van de Schrieversronte. Zwaantje Kuiters was liekewel ok schriefster, niet alliend schreef ze veur volwassenen, mar ok veur kiender. Van heur verscheen o.e. et kienderboek Ze weren d’r echt. Heur verhaelen weren ok te lezen in de Stellingwarver rebriek ‘Uut de pultrum’, die eertieds in de Liwwadder kraante te vienen was. Iene daorvan kun jim now lezen deur te klikken op: Et Poppemaanteltien . Zwaantje Kuiters-Keizer is zowat 93 jaor oold wodden.
Jong van hatte mit et Stellingwarfs de toekomst in