Over de 150 meensken kwammen op ni’jjaoraovend Schrieversronte of

DSC_5949, 25-1 (1)

In et schoft en nao et pergramme wodde d’r in de gezellige foyer van ’t Vlechtwark hiel wat bi’jpraot. Foto: Lenus v.d. Broek

Roem 150 meensken maekten de kulturele ni’jjaoraovend mit die de Stellingwarver Schrieversronte 25 jannewaori in ’t Vlechtwark in Noordwoolde hul. De warkgroep Publiciteit van de stichting hadde veur een antrekkelik en ofwisselend pergramme zorgd daor de bezukers ommeraek van geneuten hebben. Nao et welkomstwoord van veurzitter Ype Dijkstra zorgde et mingd koor ‘Oons genoegen’ van Hooltpae veur mooie zang; et koor begon heur optreden mit et zingen van et Stellingwarfs Volkslied. Eerdaegs verschient heur versie daorvan op een cd. Veur en nao et schoft vertelde schriever Freddie de Vries van Hooltpae op zien eigen biezundere wieze drie van zien prachtige en komische verhaelen. Et dit jaor 95-jaorige körps Crescendo van Makkinge zorgde as laeste veur een tip-top en slim varieerd optreden. Dirigent Rolf Dekker prissenteerde butendat et optreden ok nog es veurtreffelik in et Nedersaksisch van Hoogevene. De Schrieversronte kan weerommezien op een goed slaegde ni’jjaorsaovend.

DSC_5942(25-1, koor)

Et mingd koor ‘Oons genoegen’ van Hooltpae (o.l.v. Hinke Jelsma) eupende et optreden mit et zingen van et Stellingwarfs Volkslied. (Foto: Lenus v.d. Broek)

DSC_5944 (1)(25-1, freddie)

Veul wille was d’r bi’j et optreden van Freddie de Vries mit drie van zien kostelike verhaelen. (Foto: Lenus v.d. Broek)

DSC_5957 (1)(25-1, körps)

Crescendo, et 95-jaor oolde körps van Makkinge, zorgde veur een biezunder goed verzorgd optreden, o.l.v. Rolf Dekker. (Foto: Lenus v.d. Broek)