459. Hoek Makkinge op Buterheideveld

Op dit infermaosiebod in een abri bi’j Makkinge is ommedaenken veur de vroegere tramverbiening langs de Balkweg in Makkinge richting De Gediek. Rechts op et bod is de tekst in Nederlaans, links in et Stellingwarfs. (Foto’s en infermaosie: Henk Jager) 

458. Bakkersveentie

Disse naeme staot op een mooi hokke in een hoeke laand daor geities lopen. Die kun in dit luxe onderkommen uut 2019 schoelen en slaopen. In Wapse was indertied een veentien dat eigendom was van bakker Marinus Dijkstra en zodoende Bakkersveentie nuumd wodde. En now is et dus ok de naeme van een mooi hokke veur geities. (Foto’s en tekst: Johan Veenstra)

457. Oens huus

Tussen Vledder en Diever leit et dörpien Wapse. In 1976 hebben ze daor een dörpshuus kregen dat de naeme Oens Huus kregen het. (Foto en tekst: Johan Veenstra)

456. Roekebosch

Roekebosch is de naeme van een klein buurtschoppien tussen Gietern, Wannepervene en Ni’jvene, en telt mar zoe’n 20 inwoners. Et is slim aorig dat de naeme op een bod vermeld staot. (Foto en gegevens: Hans Salverda)

455. De Markestee

De Markestee is een luxe groepsakkemedaosie en B&B op een terrein van een bunder an de Markeweg in Blesdieke. Et woord stee betekent plak of boerderi’je. (Foto en tekst: Johan Veenstra)