Et Grunnings en Jan Henk de Groot

   

Wat een prachtige keuningsdag was et oflopen vri’jdag in Stad! En mit Stad doelen we vanzels op Grunningen, want ‘d’r is ja mor ain stad, en dat is Stad’! Butengewoon was niet alliend et ommedaenken veur de (ellende van de) gaswinning in de Grunninger ommelanen, mar ok et gebruuk van de Nedersaksische streektael et Grunnings! Et Grunnings wodde op een geweldige en veural netuurlike wieze de hieltied opni’j bruukt, van begin tot aende. En vanzels ok bi’j et ‘gasprotestlied’ op de wieze van een lied van Ede Staal, naor veuren brocht deur et Nedersaksisch Vocaal Ensemble, daor ok de bekende Grunninger troebadoer Jan Henk de Groot an mitdee.
Jan Henk wodt de hieltied bekender, ok in et butenlaand mit mit naeme et lied ‘Mamme van Michel’, mar in juli zal hi’j tiedens een boekprissentaosie van de SSR veur een optreden zorgen, en daor kieken we hier vanzels allemaole mit mekeer slim naor uut!
https://www.youtube.com/watch?v=6roAldSgHXQ