Jong van hatte mit et Stellingwarfs de toekomst in
Fotorebriek Stellingwarfs in et eupenbaor
Hier rust mien lieve breur
De tekst op ’e grafstien van Wiebe Hulzinga op et karkhof van Ni’jhooltpae is in et Stellingwarfs. Et is ien van de vier grafstienen op et hof van Ni’jhooltpae die in et Stellingwarfs binnen. (Foto en tekst: Johan Veenstra)
Et is van ’t jaor al weer 26 jaor leden dat mien moeder wegraekte. Beeldhouwer Hans van Coevorden het heur grafstien maekt mit daorop de tekst in et Stellingwarfs. Mit ok de zin Genegenhied gaf oonze daegen kleur uut mien gedicht Zwatte kammeraod. Dat gedicht staot in de bundel Sletel parredies uut 1994. Et was indertied de eerste Stellingwarfstaelige grafstien op et karkhof van Ni’jhooltpae. Was et ok de eerste in de Stellingwarven? Now bin d’r al vier Stellingwarfstaelige grafstienen op et hof van Ni’jhooltpae. Op et karkhof van Wolvege is d’r ok iene. Weten jim d’r nog meer? Laot oons dat weten!
NB: Foto’s wo’n alliend plaetst mit goedvienen van de femilie.
In Stellingwarf-Westaende hangen now Stellingwarfstaelige verkiezingsposters mit daorop de kreet ‘De kop d’r veur’. Een goeie aktie van poletieke perti’j WB! De meerste posters zitten om een lanteernpaol henne, mar disse is mit de storm een tuun invleugen, vertelde Henk Jager die d’r een foto van maekte.
De Goorn is de naeme van een straote in Oosterwoolde. Een goorn is een hoekien laand mit meerst boswallen d’r ommehenne dat tegen et arf van een boerderi’je ligt. Et wodde bruukt veur et weiden van kalver, laomer of schaopen. Et wodde ok wel as gruuntetuun bruukt. (Foto en tekst: Johan Veenstra)
