Henk Jager van De Blesse maekte kotleden disse foto van een straotnaemebod in Else. De naeme Kloosterheerd is van een ni’j wiekien in dat plak, zo gaf hi’j an.
Stellingwarfs in et ‘wild’
Fotorebriek Stellingwarfs in et eupenbaor
487. Stellingwarver babbelaarlikeur
Bi’j Bert Oppers in Wolvege kuj’ Stellingwarver Babbelaarlikeur kopen. Aachter op ’e flesse staot: De bekendste Stellingwarver in de hiele wereld is Pieter Stuyvesant, Hi’j wodde in 1612 in Peperge geboren. Pieter was een stoere, aeventuurlijke kerel. De babbelaarlikeur die zien naeme het, is een aeventuurlik slokkien! (Foto’s en tekst: Johan Veenstra)
486. De Slatten
De Slatten is de naeme van een (dubbele) straote in Oosterwoolde. D’r tussenin ligt een wat briede ‘sloot’, en et woord ‘slatten’ het daor mit te maeken. ‘Et slatten van sloden’ betekent et opschonen van sloden; et goed wat uut de sloden haeld numen we ‘slatsel’. (Foto en tekst: Sietske Bloemhoff)
485. De Fenne
De Fenne is de naeme van een straote in Oosterwoolde. Waoromme d’r indertied deur de gemiente keuzen is om een ‘F’ te bruken in plak van een ‘V’ zal wel een raodsel blieven. In et Stellingwarfs schrieven we gewoon een ‘v’ daor et Nederlaans dat ok dot. ‘Venne’ komt nogal es veur as veldnaeme, ok in Oosterwoolde. Et gaot dan vaeks om een hoeke laand daor vermoedelik eerder ok een venne legen het of argens in de buurt. (Foto en tekst: Sietske Bloemhoff)
484. Oens Kiendhuus
Hans Salverda zag op et bod in Wapse (zie ok 483) ok nog een ere naeme staon. Dat is Oens Kiendhuus, de naeme van de butenschoelse opvang in dat plak.