Stellingwarfs in et ‘wild’

Fotorebriek Stellingwarfs in et eupenbaor

254. Geheim

door
Geheim

In netuurgebied Rottige Miente liggen vier stienen plaeten mit gedichten d’r op van Johan Veenstra. Bi’j zien ofscheid as burgemeester van West-Stellingwarf kreeg Gerard van Klaveren dit as kedo anbeuden. De stienen mit gedichten liggen d’r sund meie 2019. Et gedicht Geheim ligt bi’j et parkeerterrein an de Pieter Stoevezaandweg in Ni’jtriene onder een ofdakkien mit een infobod. Vandaor kuj’ et netuurgebied inkuieren. (Foto en tekst: Johan Veenstra)

253. Et Darreltien

door

Et Darreltien was de naeme van een eupenlochttheater aachter dörpshuus De Bult op Der Izzerd. In et Stellingwarfs is darreltien een dadde pat van een groot perceel. Hadde et daor die betekenis ok?

Johan Veenstra stuurde de foto’s en tekst in veur de rebriek Stellingwarfs in et ‘wild’.

252. Uut de buurte

door

Wat was et aorig da’k in de Sunderklaostied van 2019 in een supermark in Noordwoolde stri’jgoed kopen kon mit een Stellingwarver naeme! En et was nog lekker ok! (Foto en tekst: Johan Veenstra)

251. Tuut en d’r uut!

door

Kotleden wodde deur Marcel Bos, hi’j is wethoolder van de gemiente Oostaende, in Else een speciaol bod onthuld. Dat bod is vlakbi’j et schoeleplein plaetst en geft an dat kiender, die deur de oolden mit de auto brocht wodden, daor nog evenpies een tuut kriegen kunnen, veurdat  ze et plein op gaon. De auto’s moe’n now i.v.m. corona op zonuumde ‘Tuut en d’r uut’ plakken parkeren. (Foto en tekst: Hendrik Betten)

250. De Catspoele

door

Lange niet iederiene kent et mooie netuurgebied rond De Catspoele in Ni’jberkoop. Et ligt oostelik van et Diakenievene en wodt krek as dat gebied ok beheerd deur It Fryske Gea. Ok hier het de bekende netuurinstaansie de oolde naeme van de poele in staand holen: De Catspoele. Eerder woonde vlakbi’j bi’j die poele de femilie Cats lange tied. Et huus staot liekewel krek over de dörpsgreens mit Berkoop.