Stellingwarfs in et ‘wild’

Tiedens et dörpsfeest van 2019 het et dörp Ni’jhooltpae him uutleefd. De bewoners van de Vriesburgerweg hadden andacht veur et boerebedrief. Aenlik hadde d’r koekalveri’je staon moeten. Mar och… De koe is mooi en et kalf van zoe’n koe wodt grif lieke mooi! (Foto en tekst: Johan Veenstra)

Kotleden wodde et pergramme ‘Simmer yn Fryslân’ deur Omroep Frieslaand uutzunnen vanuut Makkinge. Wat veul kiekers veural opvul was dat in et pergramme de hiele prissentaosie in et Fries was. Dat niet iederiene dat wardeerd het, bliekt wel uut een stikkerplakaktie in et van oorsprong zo Stellingwarver dörp. Onder de Friese stikker van Omroep Frieslaand is een ere, Stellingwarfstaelige, stikker te zien, mit as tekst: ‘Stellingwarfs, as ’t even kan!’.

Disse winkel mit de mooie Stellingwarver naeme ‘Huus Zeuven’ staot an de Van Harenstraote in Wolvege. Henk Jager maekte d’r een foto van en stuurde die de redaktie van de rebriek Stellingwarfs in ’t wild toe.

Henk Jager van Berkoop zag kotleden dit baankien an de Kosterweg in Steggerde. De tekst waor et veural op ankomt is in et Stellingwarfs! Want mit dit weer is et beslist et beste en gao hier ‘EEM ZITNN’…

Tiedens mien fietstocht op 23 juli zag ik dat op een bod in Hooltwoolde alderhaande plakplaeties zatten. Zoas et plakplaetien Groeten uut Olpae. De Hooltpaeïngers schrieven vaeke van Olpae in plak van Hooltpae. (Foto en tekst: Johan Veenstra)