Jong van hatte mit et Stellingwarfs de toekomst in
Annie Dedden van Blesdieke ontdekt ok nogal es Stellingwarver naemen. ‘Aj’ d’r veur de rebriek Stellingwarfs in et ‘wild’ op letten, vaalt et me op dat d’r best veul Stellingwarver naemen bruukt wodden,’ zo vertelt ze. De Butenbieners is de naeme van de Karnevalsploeg van Steggerde.
In de ni’jbouw van De Oosterstreek hebben een tal straoten Stellingwarver naemen zoas et Stienpad. De foto veur de rebriek Stellingwarfs in ’t wild’ wodde instuurd deur Fettje Alten van Noordwoolde.
Al sund jaor en dag staon d’r op ‘e plaknaemebodden van Noordwoolde aorige menieren om de bezukers an et dörp dag te zeggen. Niet alliend bi’j et kommen, mar ok bi’j et gaon. Op disse foto zien jim daor een veurbeeld van. De foto wodde veur Stellingwarfs in et ‘wild’ instuurd deur Annie Dedden van Blesdieke.
Van Annie Dedden uut Blesdieke kwam veur de rebriek Stellingwarfs in et ‘wild’ disse mooie Stellingwarver naeme De Stoelemaeker binnen. Et is de naeme van et laeste meubelmaekersbedrief in Stellingwarf, dat op ambachtelike wieze nog meubels maekt van rotan, manou en pitriet. De Stoelemaeker kuj’ vienen op ‘e Oosterstreek.
Johan Veenstra van Ni’jhooltpae stuurde disse weke een foto op van een Stellingwarver naeme in Noordwoolde. Et gaot om de Meule Passage. De Meule Passage is een winkelpassage in Noordwoolde vlakbi’j de Noordwooldiger meule, die op disse foto mit de kop krek boven de Passage uutstikt.