38. De Meule Passage

Meulepassage

Johan Veenstra van Ni’jhooltpae stuurde disse weke een foto op van een Stellingwarver naeme in Noordwoolde. Et gaot om de Meule Passage. De Meule Passage is een winkelpassage in Noordwoolde vlakbi’j de Noordwooldiger meule, die op disse foto mit de kop krek boven de Passage uutstikt.

37. De Daoken

De daoken, Fettje, Johan

Van Frank Spijkers van Buil, mar ok van Fettje Alten uut Noordwoolde kregen we een foto van een Stellingwarver straotnaeme uut Buil, et gaot om De Daoken. Neffens et Stellingwarfs Woordeboek is een daoke: 1. een rieten dak 2. een laoge riet onder de dakpannen 3. een dak van stro 4. een dak 5. een leeg, nat stok laand, vaeke begruuid mit heide en bentepollen 6. lange strook grond in et heideveld 7. flinke laoge van bi’jglieks grös dat gruuit.

 

36. ’t Strobbe-nussien

Strobbenussien, Hans Liest

Hans Liest van Berkoop stuurde opni’j een foto veur Stellingwarfs in et ‘wild’ . Dit keer gaot et om een naeme die niet veul meer bruukt wodden zal, mar die nog wel te zien is op et hokkien veur et speulmateriaol van basisschoele ‘De Tjongeling’ in Berkoop. ”t Strobbe-nussien’ was eertieds de naeme van de kleuterschoele doe die nog te vienen was op et plak daor now de tennisbaenen liggen.

35. De Schoelebos

Schoelebos, Frank

Van Frank Spijkers van Buil, ok bekend as de histo-tolk, kregen we disse foto veur de rebriek Stellingwarfs in ´t wild. De bos mit de Stellingwarver naeme ´t Skoelebos, ligt, jim raoden et al, vlak bi´j de schoele. Ie kommen deur die bos aj´ naor et sportveld van Buil gaon. 

34. Gedicht Centrumplein Wolvege

Gedicht, Johan

Disse tekst van Johan Veenstra is opneumen in de bestraoting van et Centrumplein in Wolvege, vlakbi’j et oolde gemientehuus. Et gedicht wodde onthuld op 25 meie 2012 deur John Jorritsma, de Kommesaores van (doe nog ) de Keuninginne in de perveensie Frieslaand en de schriever.