Et bedrief Meilof van De Smilde vervoert ok stront, en dat laoten ze zien ok! (Foto en gegevens: Hans Salverda)
Tael buten deure
513. ’t Praothuus
Ien van de ruumten in De Landerijen in Ooldemark daor de meensken gezellig bi’j mekeer kommen kunnen hiet ’t Praothuus. Dat liekt me een slim toepasselike naeme! Zoks hewwe in Else trouwens ok. Nommer 124 in disse serie is Elser praothuus. (Foto en tekst: Johan Veensta)
512. De Zende
De Zende is ok ien van de naemen die ze in De Landerijen in Ooldemark an een zael geven hebben. Doe d’r nog gien mi’jmesienen weren, mossen de boeren et grös mi’jen mit de zende. Vroeger kwammen de hannekemi’jers (poepen) vanuut Duutslaand die heur hier uutbestededen as mi’jer en hujjer. (Foto en tekst: Johan Veenstra)
511. De Tuule
Ien van de zaelen in De Landerijen in Ooldemark het De Tuule as naeme. Een tule is een soortement stoeltien op iene pote daor aj’ op zitten kunnen te melken. (Tekst en foto: Johan Veenstra)
510. De Miete
Alle zaelen in De Landerijen in Ooldemark hebben naemen die mit et oolde boerebedrief te maeken hebben. Huj of zaod kwam an de miete bi’j et boerehuus. D’r wodde een flut roegte op daon om inregenen te veurkommen. As nommer 82 in disse serie is De Miete ok as straotnaeme in Wolvege opneumen. (Foto en tekst: Johan Veenstra)