In Waoteren staot de mooie en toepasselike naeme De Iekhof op een huus op ‘e hoeke van de Hogeweg en de Lange Drift. Zoas jim zien kunnen staon d’r om et huus henne staon hiel wat ieken! (Foto en gegevens: Hans Salverda)
Tael buten deure
398. De Turftente
De Turftente is de mooie naeme van een minikampeerplak in Wetering in Stienwiekerlaand. De naeme slat op ‘e tiny houses/kleine husies van aarmoedige (vene)arbeiders en heur grote huusholings van eertieds. (Foto en tekst: Henk Jager)
397. De Meulehoek
An de Heufdstraote West in Wolvege is huusdokterpraktiek De Meulehoek. Hier vlakbi’j is et appattementekompleks Meulestaete. Vlakbi’j staot ok de meule Windlust daor vroeger de Ooldhiedkaemer in zat. Et woord meule komt zo staorigan hiel arg vaeke veur in disse unieke serie Stellingwarver naemen in et wild. (Tekst en foto: Johan Veenstra)
396. Meulestaete
Op et West van Wolvege staot an de Merelstraote een appattementekompleks mit de naeme Meulestaete. Hier vlakbi’j staot de in 1888 bouwde stellingmeule Windlust, daor de Ooldhiedkaemer vroeger in zat. (Foto en tekst: Johan Veenstra)
395. De Pegge
