Tael buten deure

191. Uut Else

door

Arie den Blancken van de Veneboeren uut Makkinge maekte disse foto van een kraene van de Warktugeverieninge De Samenwerking. Dat die uut Else komt, lat kraenmassienist Ko Brouwer graeg weten. ‘Et zol mooi wezen as meer verieninges of bedrieven et Stelllingwarfs bruken zollen,’ neffens Arie. En dat is de redaktie van StellingPlus vanzels hielemaole mit him iens!

190. ’n Zeune

door

Modeontwarper Hans Noordstrand en zien vrouw/vrundinne in Ni’jhooltpae hebben een zeune kregen en et joongien hiet van Pyter. Daoromme hebben ze de vlagge uut en staot d’r een bod bi’j de hekkedam! Iederiene mag et weten! Johan Veenstra maekte de foto en schreef de tekst veur al weer nr. 190 in de serie Stellingwarfs in et wild.

189. de Brogge

door

De  Brogge, nog een Stellingwarver naeme die bruukt wodt in et Woonzorgcentrum Lindestede in Wolvege. Ok disse foto maekte Annie Dedden, en ze zorgde nog veur hiel wat meer!

188. ’t Bootien

door

In Woonzorgcentrum LindeStede in Wolvege bruken ze veul Stellingwarver naemen veur verschillende ruumten. Zoas ‘t Bootien, hier te zien op ‘e foto die Annie Dedden uut Wolvege maekte. Jammer is vanzels dat et woord mit twie o’s schreven wodt, iene is wel genoeg…