Tael buten deure
180. Tot kiekes
In meerdere Stellingwarver dörpen willen ze graeg daj’ nog es weerommekommen. Dit bod staot in Hooltpae aj’ daor de Stellingenweg oprieden zullen. In Noordwoolde staot Tot kiek es (nommer 39 in disse serie) en in Noordwoolde staot ok et bod Tot kiekes van Staotsbosbeheer (80). (Foto en tekst: Johan Veenstra)
179. An de stamtaofel
Op et infermaosiebod van De Hoeve staot ok nogal es een Stellingwarver tekst. Annie Dedden maekte daor kotleden disse foto van.
178. Haenepolle
Noordwoolde het verschillende Stellingwarfstaelige straotnaemen. Daenk mar es an Meulewiek (nommer 58 van disse serie), Hevetille (72), De Kwekerije (78) en De Greverije (162). En dit is dan Haenepolle. De naeme wodde instuurd deur Annie Dedden en Johan Veenstra
177. Aj’ een plak zuken
Op ien van de muren in dörpshuus De Bult van Der Izzerd staot disse mooie spreuke. Aj’ je dus argens thuus en op je gemak vulen willen, moej’ naor Der Izzerd! (Foto en tekst: Johan Veenstra)