Meertaelighied in Duutslaand

In de Landkreis Heidekreis in Duutslaand wodt ok gebruuk maekt van meertaelighied op plaknaembodden. Een mooi veurbeeld daorvan is op disse foto te zien die deur Henk Bloemhoff maekt wodde in de omgeving van Schneverdingen / Snevern. Et twietaelige plaknaembod is in et Hoogduuts en Nederduuts.

167. De tael van et hatte

Twie van de 32 Under de toer/LF2018 projekten wo’n in de Stellingwarven opvoerd. Et eerste projekt was et straottheater De Verdwenen Peerden dat op 3 en 4 augustus mit hiel veul sukses opvoerd wodde in Ni’jberkoop en Berkoop. Op 5 en 6 oktober is et de beurt an De tael van et hatte, een theatraole kuiertocht van een ure deur Der Izzerd. Op ‘e foto et beeldmark van et projekt. Et staot op ‘e hoeke van de Slingerweg en de oolde rieksweg in Hooltwoolde en is maekt deur Co van Geene.

166. De Verdwenen Peerden

Op twie spandoeken wodt et straottheater De Verdwenen Peerden ankondigd; an de retonde bi’j Makkinge en bi’j de Doevekaampe in Berkoop. Et straottheater is hielemaole in et Stellingwarfs en wodt op 3 en 4 augustus opvoerd in Ni’jberkoop en Berkoop.

 

165. ’t Kragelhuus

Henk Jager van Berkoop zag, doe hi’j onderwegens was veur zien warkgever It Fryske Gea, opni’j et gebruuk van et Stellingwarfs butendeure. Dit keer op een naembod van een bedde-en-broggiengelegenhied an de deurgaonde weg in Buil.

164. Een dorpien mit een oold verleden

Waor aj’ Berkoop ok inrieden, ie kommen altied een bod tegen mit een riempien d’r op van Lamkje Hof-de Boer. De nommers 139 en 149 uut disse serie lao’n al twie veurbeelden zien. Dit bod staot an de Wolvegesterweg. Ie kommen et tegen aj’ vanof Ni’jhooltpae naor Berkoop rieden. (Foto en Tekst: Johan Veenstra)