In de ni’jbouw van De Oosterstreek hebben een tal straoten Stellingwarver naemen zoas et Stienpad. De foto veur de rebriek Stellingwarfs in ’t wild’ wodde instuurd deur Fettje Alten van Noordwoolde.
Tael buten deure
40. Tot kiek es
Al sund jaor en dag staon d’r op ‘e plaknaemebodden van Noordwoolde aorige menieren om de bezukers an et dörp dag te zeggen. Niet alliend bi’j et kommen, mar ok bi’j et gaon. Op disse foto zien jim daor een veurbeeld van. De foto wodde veur Stellingwarfs in et ‘wild’ instuurd deur Annie Dedden van Blesdieke.
39. De Stoelemaeker
Van Annie Dedden uut Blesdieke kwam veur de rebriek Stellingwarfs in et ‘wild’ disse mooie Stellingwarver naeme De Stoelemaeker binnen. Et is de naeme van et laeste meubelmaekersbedrief in Stellingwarf, dat op ambachtelike wieze nog meubels maekt van rotan, manou en pitriet. De Stoelemaeker kuj’ vienen op ‘e Oosterstreek.
38. De Meule Passage
Johan Veenstra van Ni’jhooltpae stuurde disse weke een foto op van een Stellingwarver naeme in Noordwoolde. Et gaot om de Meule Passage. De Meule Passage is een winkelpassage in Noordwoolde vlakbi’j de Noordwooldiger meule, die op disse foto mit de kop krek boven de Passage uutstikt.
37. De Daoken
Van Frank Spijkers van Buil, mar ok van Fettje Alten uut Noordwoolde kregen we een foto van een Stellingwarver straotnaeme uut Buil, et gaot om De Daoken. Neffens et Stellingwarfs Woordeboek is een daoke: 1. een rieten dak 2. een laoge riet onder de dakpannen 3. een dak van stro 4. een dak 5. een leeg, nat stok laand, vaeke begruuid mit heide en bentepollen 6. lange strook grond in et heideveld 7. flinke laoge van bi’jglieks grös dat gruuit.