Jong van hatte mit et Stellingwarfs de toekomst in
Hans Liest van Berkoop stuurde opni’j een foto veur Stellingwarfs in et ‘wild’ . Dit keer gaot et om een naeme die niet veul meer bruukt wodden zal, mar die nog wel te zien is op et hokkien veur et speulmateriaol van basisschoele ‘De Tjongeling’ in Berkoop. ”t Strobbe-nussien’ was eertieds de naeme van de kleuterschoele doe die nog te vienen was op et plak daor now de tennisbaenen liggen.
Van Frank Spijkers van Buil, ok bekend as de histo-tolk, kregen we disse foto veur de rebriek Stellingwarfs in ´t wild. De bos mit de Stellingwarver naeme ´t Skoelebos, ligt, jim raoden et al, vlak bi´j de schoele. Ie kommen deur die bos aj´ naor et sportveld van Buil gaon.
Disse tekst van Johan Veenstra is opneumen in de bestraoting van et Centrumplein in Wolvege, vlakbi’j et oolde gemientehuus. Et gedicht wodde onthuld op 25 meie 2012 deur John Jorritsma, de Kommesaores van (doe nog ) de Keuninginne in de perveensie Frieslaand en de schriever.
Op ‘e Hoeve haj’ eerder midden in et dörp een kefé. Vandaege-de-dag is et gebouw liekewel in gebruuk as woonhuus. Alliend de naeme ”t Olde café’ dot nog an die eerdere tied daenken. Ok hier ziej’, krek as bi’j de veurige foto in disse rebriek, et gebruuk van mar iene ‘o’ in et woord dat we in et Stellingwarfs as ‘oolde’ schrieven. De foto’s wodden instuurd deur Jaap Elzenaar van De Hoeve.
In Else, an de weg van Buil naor Else toe, staot dit huus mit de Stellingwarver naeme ‘De olde duker’. Vermoedelik het kotbi’j dat stee ooit een duker (onder de weg deur) zeten. Ie zien nogal es dat et woord oolde as ‘olde’ schreven wodt, dat is niet alliend op disse foto te zien, mar ok op de volgende in de riegel Stellingwarfs in et wild. Disse foto wodde instuurd deur Annie Dedden van Blesdieke.