Bi’j kefé-resteraant Boszicht in Ni’jberkoop verkopen ze ok mooie kaorten van et kleinste dörpien van Oost-Stellingwarf. Dat aj’ daor es van die zo mooie omgeving geneuten hebben kuj’ d’r een mooie kaorte van versturen naor femilie, vrunden en ere kunde. Hans Salverda zag ze doe hi’j daor even anstak veur een bakkien thee.
Stellingwarfs in et ‘wild’
Fotorebriek Stellingwarfs in et eupenbaor
491. Klaor: kastmis 2023
Bi’j de Bekhofschaans bi’j Berkoop wodt de boel weer es grondig anpakt. Zo wodt onder eren et veurterrein opni’j inricht en d’r komt een ni’j plak om te parkeren. Opdrachtgever hierveur is de perveensie, die bi’j dit soorte van grote klussen altied middels een infermaosiebod angeft wat et doel is. Hiel mooi is dat de perveensie in Stellingwarf daorveur ok de Stellingwarver tael bruukt. Omreden d’r de laeste jaoren bi’j en om De Lende henne wel meer van zokke grote klussen gebeurd binnen zaggen we de Stellingwarver heufdtekst wel vaeker, mar ni’j is hier: Klaor: kastmis 2023 (Foto: Hans Salverda)
490. Wa’k kwiet wil
Hans Salverda maekte laestdaegs disse foto van een kontener mit de prachtige Stellingwarver tekst Wa’k kwiet wil. Die ston an de weg bi’j et kampeerplak Hertenweide in Zorgvlied. Et mooie initiatief om zokke stikkers maeken te laoten en te koop an te bieden is van et Huus van de Taol in Drenthe. Een idee veur de Stellingwarver Schrieversronte om de stikkers ok hier bi’jomme onder de meensken te brengen?
489. De daoke
Annie Dedden uut Wolvege zag an de Boschoordweg in Buil de mooie Stellingwarver naeme De daoke op een boerderi’je.
488. Kloosterheerd
Henk Jager van De Blesse maekte kotleden disse foto van een straotnaemebod in Else. De naeme Kloosterheerd is van een ni’j wiekien in dat plak, zo gaf hi’j an.