235. Piet zien kraom

Nommer 88 in disse mooie serie is Bennies Kraom in Blesdieke, daor aj’ o.e. nustkassies kopen kunnen. Annie Dedden zorgde indertied veur die naeme. Ik fietste vandemiddag (13 juni 2020) over de Sepiepenlaene (Lijsterbeslaan) in Blesdieke en zag daor… Piet zien kraom. Daor kuj’ ok nustkassies kopen. Dit moet dezelde kraom wel haost wezen, zoj’ zo zeggen. Mar… de naeme is veraanderd. (Foto’s en tekst: Johan Veenstra)

231. Eem pauze

Tiedens et dörpsfeest van 2019 in Ni’jhooltpae zag ik dit bod bi’j mi’j op ‘e buurt. Dit is eins hiel biezunder. As dit in de juuste spelling schreven was hadde d’r staon: Even pauze. Mar… dan zo’k d’r gien foto van maekt hebben. Dan ha’k docht dat et Nederlaans was. Mar now is et hiel dudelik een Stellingwarfstaelig bottien! (Foto en tekst: Johan Veenstra)