Jong van hatte mit et Stellingwarfs de toekomst in
Fotorebriek Stellingwarfs in et eupenbaor
De Catspoolder is de naeme van een netuurgebied in de Lendevallei, noordelik van Peperge. Et gebied wodde in de jaoren twintig en dattig van de veurige ieuw ontgunnen. In 2009 is d’r weer netuurgebied van maekt. Zo hoolt et meensdom wark! (Foto en tekst: Johan Veenstra)
In Appelsche zit OBB Zeuvenakkers an de Aekingeweg. Hier wodt specialistische behaandeling geven an psychiatrisch kwetsbere meensken mit verstaandelike beparkings. De letters OBB staon veur Orthopedagogische Behaandeling en Begeleiding. (Foto en tekst: Johan Veenstra)
Op ’e ribbe
Op ’e ribbe is de naeme van een huus an de Pieter Stoevezaandweg in Ni’jtriene. Een toepasselike naeme in et Scheenegebied. Een ribbe is een smalle stroke grond tussen twie patten van een venepoele. Zie ok de straotnaeme De Ribbe in Scharpenzeel (nommer 306 in disse serie). (Foto’s en tekst: Johan Veenstra)
Steginge is een buurtschop die dichter bi’j et dörp lag as Nanninge en Praninge. Ie vienen d’r vandaege-de-dag liekewel mar weinig van weeromme. Alliend de straotnaeme Stegingeweg dot nog an de buurtschop daenken. De boerderi’je Steginge lag tussen de Stegingeweg en de Boereweide. De infermaosiebodden wodden indertied deur de Historische Verieninge van Oosterwoolde ontwikkeld en plaetst, in saemenwarking mit de Stellingwarver Schrieversronte. (Foto en tekst: Sietske Bloemhoff)