Ien van de ruumten in De Landerijen in Ooldemark daor de meensken gezellig bi’j mekeer kommen kunnen hiet ’t Praothuus. Dat liekt me een slim toepasselike naeme! Zoks hewwe in Else trouwens ok. Nommer 124 in disse serie is Elser praothuus. (Foto en tekst: Johan Veensta)

De Zende is ok ien van de naemen die ze in De Landerijen in Ooldemark an een zael geven hebben. Doe d’r nog gien mi’jmesienen weren, mossen de boeren et grös mi’jen mit de zende. Vroeger kwammen de hannekemi’jers (poepen) vanuut Duutslaand die heur hier uutbestededen as mi’jer en hujjer. (Foto en tekst: Johan Veenstra)

Ien van de zaelen in De Landerijen in Ooldemark het De Tuule as naeme. Een tule is een soortement stoeltien op iene pote daor aj’ op zitten kunnen te melken. (Tekst en foto: Johan Veenstra)

Alle zaelen in De Landerijen in Ooldemark hebben naemen die mit et oolde boerebedrief te maeken hebben. Huj of zaod kwam an de miete bi’j et boerehuus. D’r wodde een flut roegte op daon om inregenen te veurkommen. As nommer 82 in disse serie is De Miete ok as straotnaeme in Wolvege opneumen. (Foto en tekst: Johan Veenstra)

De Landerijen is et dörpsservicecentrum veur Ooldemark en omstreken. Et bestaot uut een woonkompleks en een zaelecentrum. De vuuf zaelen hebben daor allegeer mooie streektaelnaemen. Ik hebbe al een keermennig verteld veur een groep oolderen in een zael mit de naeme De Deele. Op ’e dele wodde vroeger et huj beweerd. Peerd en waegen (mit huj) reden deur de eupenstaonde baanzerdeuren de dele op en dan wodde et huj mit de vörke van de waegen in et hujvak steuken. (Foto en tekst: Johan Veenstra)