Pieter Jonker nemt ofscheid van Schrieversronte

Nao een dienstverbaand van 32 jaor nemt Pieter Jonker op 1 juli ofscheid as warknemer van de Stellingwarver Schrieversronte. Et officiële pat van de bi’jienkomst zal wezen in de karke van Berkoop, de receptie is daornao in en om et gebouw van de Schrieversronte. Tiedens et officiële pat zal d’r een ni’j boek verschienen over leven en wark van de Bulgaarse keunstener Peter Lazarov, hi’j is een goeie kammeraod van Pieter Jonker. Et boek verschient bi’j de stichting Nobilis en is schreven deur de vroegere direkteur van de Stellingwarver Schrieversronte. In de toekomst zal Pieter Jonker liekewel op sommige fronten aktief blieven veur de stichting, zo zal hi’j o.e. kursusleider blieven veur de kursus Stellingwarfs veur beginners. Op et mement zocht hi’j tegere mit Sietske Bloemhoff – zi’j volgde Jonker begin 2007 op as direkteur – naor de meugelikheden veur een boekuutgifte over de Stellingwarver keunstener Johannes Mulders. Veur et ofscheid op 1 juli wo’n zoe’n 230 personen verwaacht.

Gien Gok

Gien Gok wun et aldereerste Stellingwarfs popfestival Stellingwarfpop. Dat was in 2007 op et Pastorieplein in Wolvege. In 2012 wodt Stellingwarfpop al weer veur de vuufde keer orgeniseerd.

[youtube]Qu2abMiZFs0[/youtube]

Sjoukje Oosterloo

Sjoukje Oosterloo is iene van de aktieve schrievers in et Stellingwarfs. Van heur gaf de Stichting Stellingwarver Schrieversronte twie boeken mit verhaelen uut: Malle Meraokels (2007) en Warkieslappe (2010). Daornaost schrift ze jaorliks bi’jdregen veur de Stellingwarver Spreukekelinder en publiceert mit riegelmaot in tiedschriften en streekkraanten. Sjoukje Oosterloo vertaelt ok graeg wark van eren, zoas van Frank Spijkers en Lily Kohler. Ieder jaor vertaelt ze et boekien Tomke, dat an alle ukken in Stellingwarf uutdield wodt.

Goed volk (april 2012)

Snet mit varkenspoties (feberwaori 2012)

En now is ‘t uut (november 2011)

Bittere noodzaeke (november 2011)

Alle begin is muuilik (september 2011)

De iene zien dood… (september 2011)

Geheim in de aanrechtlae (augustus 2011)

Relaxen (augustus 2011)

Een geheim (juli 2011)

Waezig zicht (juli 2011)

Over en opni’j (juni 2011)

 

Foto van de maond

De foto van de maond is dit keer iene van et Stellingwarfs popfestival Stellingwarfpop. Dat festival dat wunnen wodde deur Carolien Hunneman van Oosterwoolde, wodde holen op 4 juni in Noordwoolde. Op de foto zien jim de jonge band Chop 226, waorveur de jury veul wardering had. De foto is maekt deur oold-warkgroeplid van Stellingwarfpop Jeroen van der Pol.

Bi’jkotten gaot de warkgroep al weer beginnen mit de eerste veurbereidings veur et volgende Stellingwarfpop, dat is mitien ok et eerste lustrum: in 2012 zal et festival veur de vuufde keer holen wodden. Bands kun heur daor now al veur anmellen bi’j de Stellingwarver Schrieversronte in Berkoop. Dat kan tillefonisch: 0516-451108, of via de mail info@stellingwarfs.nl.

Christine Magour

De kommende tied kuj’ in de Schriefklub van StellingPlus wat eerder publiceerd wark van Christine Magour uut Wolvege lezen. Dat betekent liekewel niet dat Christine niet mit ni’j wark doende is. Naodat van Christine et prachtige prenteboek veur kiender Muske Tiemen verscheen, had ze al mitien ni’je idenen en plannen veur meer. Bi’j de Stellingwarver Schrieversronte bin ze daor mar knap wies mit, en mit Christine wodt bekeken waor as in et eerste plak mit naor buten kommen zal. In elk geval kuwwe van Christine al veur et augustusnommer van et Stellingwarver tiedschrift De Ovend een biezundere bi’jdrege verwaachten.

Bin ik ontaord

Op weg naor altied (juni 2011)

Et nut van voetbal (juli 2011)

Zute (juli 2011)