Et echtpeer André en Henriëtte Otten van Blesdieke wodde deur de buurt verrast mit dit prachtige spandoek!

(Foto en tekst: Annie Dedden)

In Makkinge staot et beeld De hunningdaenker van Makkinga van de Belgische keunstener Carlo Mistiaen. Et maekt diel uut van de keunstroute ’In Verbelinge’, mit keunst op basis van verhaelen in et Stellingwarfs. De route wodde in 1999 eupend. (Foto en tekst: Sietske Bloemhoff)

‘t Spinnepad is an de oostkaante van de Legebroekweg in Blesdieke. Eerst gaot et om een dudelik pad langs een sloot in laand mit (haost) alliend mar jarregrös (Engels raaigras). Et pad lopt deur tot een angreenzend jarregrösperceel. Of et pad nog veerder gaot is niet te zien/ondudelik. In zoe’n stronteri’je zullen (naor verholing) mar kwaolik spinnen leven. Dat de naeme zal wel op de ‘meenskefemilienaeme’ Spin(ne) slaon. (Foto’s en tekst: Henk Jager) 

Dit opschrift is zo dudelik as wat. D’r bin een hiele protte broggen en broggies in Gieteren, mar dit is echt de laeste brogge an ’t Binnenpad. Hier bi’j oons komt zowel laest as lest veur. Et Stellingwarfs Woordeboek geft bi’jveurbeeld de woorden laestdaegs en lestdaegs. Bi’j et woord brogge doen we hier gien kappien op ’e letter o. Mar dat bin mar kleinigheden. Mooi dat et zo op et bottien staot. (Foto’s en tekst: Johan Veenstra)

Veurhuus is de naeme van ien van de drie appattementen in de Hartman Hoeve an de Langesteeg in et mooie Gieteren. (Foto’s en tekst: Johan Veenstra)