De Magical Mistery Tour van de Stellingwarver Schrieversronte mit de DAF-truck van Jan Grootenboer op de oolde ambachtemark in Makkinge
Om et meziekfestival van de Stellingwarver Schrieversronte van oflopen zaoterdagaovend in Appelscha te promoten, reed d’r overdag een speciaole DAF-truck deur Stellingwarf.
O.e. in de winkelstraote van Oosterwoolde, op de oolde ambachtemark in Makkinge, de streekmark van Berkoop, et ni’je tramplein in Noordwoolde en op de Roggebarg in Appelsche weren d’r kotte optredens van o.e. de Zaandhuziger troebadoer Serge Epskamp. Veur disse biezundere tocht kon de Schrieversronte gebruuk maeken van de prachtige ombouwde Daf-truck van Jan Grootenboer van Oolde Pekel.
Vanwegens de enthousiaste reakties zal d’r volgend jaor op zaoterdag 6 augustus weer een Stellingwarver Magical Mistery Tour wezen, en wodt et festival i.s.m. SA3 (Stichting Algemene Activiteiten Appelscha) opni’j in Appelsche holen.
Serge Epskamp zorgde veur kotte, mooie optredens, Klaasje Herder dielde flyers uut
Et promosieteam komt in Berkoop an (foto: Lenus v.d. Broek)
Mit ok hier een optreden en veul aktie op de altied gezellige streekmark van Berkoop (foto: Lenus v.d. Broek)
De bus op et ni’je tramplein van Noordwoolde
Op et zunnige kampeerplak de Roggebarg in Appelsche
DAF-truck eigener Jan Grootenboer geniet van de lieties van Serge Epskamp
(Foto’s: Sietske Bloemhoff, behalven de twieje in Berkoop)