Jong van hatte mit et Stellingwarfs de toekomst in
Redaktie 
Nommer 29 uut disse serie betreft Et Anlopien in Berkoop. Et is daor de naeme van een kiosk die midden in et dörp staot. Mar ‘t Anlopien komt ok in Hooltpae veur en daor is et een plak daor de oolden heur hukkepukken hennebrengen kunnen. Johan Veenstra zorgde veur foto nommer 50 van Stellingwarfs in et ‘wild’!
Annie Dedden stuurde veur Stellingwarfs in et ‘wild’ ok de foto in van ‘De veurdele’, dat is de zo aorig bedochte Stellingwarver naeme van een kringloopwinkel in Noordwoolde.
‘De Duker’, dat is de naeme van et kefé-resteraant in Noordwoolde dat vlakbi’j et plak staot waor vroeger een duker in de vaort van Noordwoolde lag. De foto veur Stellingwarfs in et ‘wild’ wodde instuurd deur Annie Dedden.
Gisteraovend kwam d’r bi’j de redaktie van StellingPlus een prachtig bericht binnen. D’r wodde bekendmaekt dat Johan Veenstra ien van de vuuf kandidaoten is veur de Rink van der Veldepriis 2016. Veenstra is nommeneerd veur zien roman Een vrouw van ivoor die eind augustus uutgeven wodde door de Stellingwarver Schrieversronte. De aandere vier kandidaoten veur de pries bin Willem Schoorstra (Pier), Mindert Wijnstra (De seefrou), Anne Feddema (De triennen fan Cheetah) en Hylke Tromp (Noah).
De Rink van der Veldepriis wodt sund et jaor 2004 om et jaor uutreikt deur de gemiente Smallingerlaand en de Friese Pers Boekerij. Hi’j bestaot uut een keunstwark van Anne Woudwijk en een bedrag van 1250 euro. De pries is nuumd naor de in 2001 wegraekte Friese schriever en journalist Rink van der Velde. Die zien boeken wodden jaorenlaank geweldig goed verkocht.
De winner wodt op 17 feberwaori 2016 bekendmaekt.
Opni’j zoe’n prachtig gebruuk van et Stellingwarfs in et ‘wild’ op ‘e gevel van een huus. Dit keer in Noordwoolde, vlakbi’j de… vroegere Hellingbrogge. De foto wodde instuurd deur Annie Dedden.