Kiek in ’t veld is de naeme van een vekaansiehusien dat uutkikt op et beekdal van de Vledder Ao bi’j Doldersum. De foto van disse mooie naeme en de tekst wodde instuurd deur Hans Salverda uut Zorgvlied.
Aj’ vanuut et overkuunderse Mildam Hooltwoolde en dus de Stellingwarven inkommen, staot daor een bod an de weg daor alle naemen van dörpen en revieren in et Stellingwarfs op weergeven binnen. (Foto’s en tekst: Johan Veenstra)
Bi’j de karke van Ooldetriene, die al jaorenlaank as dörpshuus bruukt wodt, staot een bod an de weg mit oolde veldnaemen van Sunnege en Ooldetriene. D’r staon ok naemen in et Stellingwarfs op zoas: Ooldetrienster Brogge, Veendiek, Oldemaden, Jonkers- of Helomavaort en Maodereed. (Foto’s en tekst: Johan Veenstra)
An de zuudkaante van de vaort in Appelsche staot disse winkel. Jim raoden et al, daor verkopen ze hiele mooie barkrukken. De jonge eigeneresse vertelde d’r enthousiast over; ok over de naeme die ze heur bedrief geven hadde. Ze vun dat et een dudelike mar ok gewone naeme wezen moeten zol, en kwam doe uut op Barkrukkie. (Tekst en foto: Sietske Bloemhoff)
Redaktie 
