Jong van hatte mit et Stellingwarfs de toekomst in
Op zaoterdagaovend 14 jannewaori geft veurzitter Ype Dijkstra om 20.00 ure in ’t Vlechtwark in Noordwoolde et startschot veur de grote jubileumviering van de Stichting Stellingwarver Schrieversronte (1972 – 2012). Et hiele jaor deur zullen d’r in zowat alle Stellingwarver dörpen tal van aktiviteiten orgeniseerd wodden vanwegens dit heugelike feit! Lees veerder op:
Mit et waeter veur de dokter
Ok al duurt de officiële prissentaosie nog even – die is op 20 jannewaori in et MFC De Ni’je Stienze in Ni’jhooltpae – et ni’jste boek van Johan Veenstra is disse weke binnenkommen bi’j de uutgeveri’je van de Stellingwarver Schrieversronte. In Mit et waeter veur de dokter bin prachtige, veural humoristische, verhaelen te lezen, et boek is te vergelieken mit Een meenske is gien eeerpel en De wereld is gek. Veur et prachtige omslag zorgde Sijtze Veldema van Dwingel. Et ni’je boek kan now alvast besteld wodden bi’j de Stellingwarver schrieversronte in Berkoop. Et telt 128 bladzieden en kost € 12,50. Vanof 20 jannewaori is et ni’je boek te koop in de boekwinkels.
Et kantoor van de Stellingwarver Schrieversronte is de laeste weke van et jaor dichte. Vanof 2 jannewaori 2012 kuj’ weer van maendag t/m donderdag tussen 9.00 en 16.00 ure bi’j et instituut terechte. Alle mitwarkers van de stichting weensken jim plezierige kastdaegen en een hiel goed 2012 toe!
Mit een peer weken verschient et alderni’jste boek van Roely Bakker van Makkinge. Et boek mit verhaelen en gedichten het as titel Verzin en telt 112 bladzieden. Et is de 151e uutgifte van de Stellingwarver Schrieversronte, veur et omslag zorgde Bauke Visser Koenders uut Haulerwiek, de omslagfoto’s bin van Sietske Bloemhoff van Ni’jberkoop, veur et drokken zorgt drokkeri’je Banda uut Et Vene. Verzin kan now al besteld wodden bi’j de Stellingwarver Schrieversronte en bi’j de Stellingwarver boekwinkels, de verkooppries is € 11,50. (Laeter meer…)
Op 29 april 2012 is et 40 jaor leden dat zoe’n 60 meensken mit mekere in Wolvege de Stellingwarver Schrieversronte oprichten. Om die reden zullen d’r in 2012 et hiele jaor deur tal van biezundere jubileumaktiviteiten orgeniseerd wodden. Aachter de scharms wodt daor al een posien deur een grote groep van vri’jwilligers en mitwarkers van de zowat jaorige stichting an warkt. Op disse webstee zal et hiele jubileumjaor onder de rebriek JUBILEUM een overzicht van die aktiviteiten te lezen wezen. Die agenda zal uteraord de hieltied verni’jd wodden.
[fergcorp_cdt]