In 1973 ston et verhael Schoonmaek van Jan Betten uut Oosterwoolde in de verhaelerebriek ‘Uut de pultrum’ van de Liwwadder kraante. Jan Betten was iene van de oprichters van de Stellingwarver Schrieversronte en was jaorenlang een slim aktief en betrokken bestuurslid. Jan Betten zette him daornaost o.e. in veur et Stellingwarfs in et onderwies en vertegenwoordigde bi’jglieks de Schrieversronte in de Fryske Kultuerried. Op 9 september 1980 verongelokte hi’j op 32-jaorige leeftied tiedens de weerommereize van een vergeerdering in Liwwadden.
Verhaelen
Verhael Lamkje Hof – de Boer: Et riebewies
Van de bekende schriefster Lamkje Hof-de Boer uut Berkoop is et volgende verhael
Et verhael was in 1990 te lezen in de Stellingwarver rebriek Op ‘e schostienmaantel van de regionaole kraante ‘Stellingwerf’.
Drones veur de naozorg
Van Klaas Boersma uut Oosterwoolde kregen we et volgende verhael:
DRONES VEUR DE NAOZORG
Om as voegelliefhebbers in de naozorg doeltreffend en zorgvuldig te wark te gaon hopen wi’j now gebruuk te maeken van drones. Wi’j willen gebruuk maeken van de meugelikheden, en perberen om zoe’n ding los te peuteren bi’j defensie. Ok al meugen wi’j him mar tiedelik bruken, ok dan zollen wi’j al slim bliede wezen. Veural now et zo slecht gaot mit de weidevoegels verwaachten wi’j wel wat mitwarking.
Mit zien beidend hebben wi’j een bepaolde hoeke laand. Lopen wi’j aanders kilometers op een dag, now gaon wi’j mit mooi weer et veld in, nemen een peer stoelties mit, en schieten drones de locht in. Iene van oons hoolt alles bi’j op et schaarm en verwarkt alle gegevens, de aander markeert de evt. nusten of haelt de stokkies weer op as ze niet meer neudig binnen.
Wi’j staon mit mekeer in kontakt vanzels, zodat degene die aachter et schaarm zit de aander naor et doel leiden kan. Was de naozorg al mooi en daankber wark, et kan dus nog plezieriger wodden. Men kan dus niet alliend doeltreffend en zorgvuldig te wark gaon, ok belangriek is dat d’r minder verstoring in et veld is. En… wat ok zo belangriek is, d’r ontkomt oons gien nussien.
In ieder geval, et is nog eventies ofwaachten as et lokt, mar wi’j bin d’r hielemaole klaor veur!
Paosken: feest van hoop
Van Sjoukje Oosterloo kwam een ni’j verhael binnen. Ie kun et lezen deur even te klikken op Paosken, feest van hoop.
Sluut alle deuren mar
Harmen Houtman
‘Sluut alle deuren mar’
Refrein:
Sluut alle deuren mar,
doe alle raemen toe,
kom bi’j me zitten, hier dicht’ bi’j de heerd.
‘k Doe alle keerzen an,
‘k zet volle glaezen klaor,
kom we genieten en jow bin et weerd.
Dichter dan dichterbi’j,
en hiel vertrouwd veur mi’j,
jow en ik saemen, dus wat wi’j’ nog meer…
1.
Buten is ’t koold
en buten is ’t drok,
ziej’ daor de wereld.
die zocht naor ’t gelok.
Tegen mi’j an
zo veilig en teer,
‘k vuul je oprechte vertrouwen hieltied meer.
2.
Buten is haost,
geveer en geweld,
ziej’ ze strieden
om macht en om geld?
Wees mar niet bang’
kroep tegen mi’j an,
geef me je waarmte zo lang’ as et kan.
Refrein II
Koester mien woorden mar,
vuul al mien strelen mar,
laot je mar zweven deur keerslocht en klaank.
Sluut beide ogen mar,
droom alle dromen mar,
soeze mar vot hier bi’j mi’j op ‘e baank.
Dichter dan dichterbi’j,
en hiel vertrouwd veur mi’j,
d’r is mar ien woord en dat is van ‘daank’.
(De wieze van et refrein: ‘Sluit alle deuren maar’, uut de musical ‘Joseph and his amazing technicolor dreamcoat’)