Dit is de naeme van een huus an de deurgaonde weg op ’e Oosterstreek, tussen Buil en Noordwoolde. Et hadde wat de spelling anbelangt eins ’t Lege Huus wezen moeten. Et huus ligt inderdaod een betien lege. Foto’s en tekst: Johan Veenstra.
Stellingwarfs in et ‘wild’
Fotorebriek Stellingwarfs in et eupenbaor
262. Even noffelik bekommen
Tiedens iene van heur kuiers om Wolvege henne zag Annie Dedden kotleden disse ni’je baank staon. Hi’j is te vienen an et pad dat van De Miente naor de Pieter Stoefzaandweg lopt, en zicht d’r arg mooi uut, vertelde ze. De baank wodde anbeuden deur Tine Bouma; Johan Veenstra zorgde, op heur verzuuk, veur de Stellingwarver tekst.
261. Bottien prieel Meulebosch
De laeste jaoren bin de bossen in Berkoop prachtig opknapt deur een koppeltien vri’jwilligers. Op et plak daor vroeger in de Meulebosch een prieel ston, is now weer een prieel bouwd. In 2019 was dat mooie, sierlike gebouwgien klaor! Binnenin is een bottien bevestigd mit daor een tekst in et Stellingwarfs op! (Foto’s en tekst: Johan Veenstra)
260. An de stamtaofel
Ze willen in Appelsche vanzels niet minder wezen as op ’e Hoeve! Zie nommer 179 in disse serie. Dit anplakbiljet zag ik in dit mooie Oost-Stellingwarver dörp. In de Hoolten Klinte konnen de meensken eertieds mit mekeer an de stamtaofel. De foto stamt vanzels van veur de tied dat dat malle virus oons zo te vieter nam! (Foto en tekst: Johan Veenstra)
259. Hoolten Klinte
De Hoolten Klinte in Appelsche is et onderkommen van de Historische Verieninge Appelsche e.o. Et gebouw leit, een aentien in de hoogte, bi’j de Bosbarg op. (Foto’s en tekst: Johan Veenstra)