Dit staot op een grafstien op et karkhof van Ni’jhooltpae. De stien is van mien neve Bart Krol en zien vrouw Pietje de Vries. Op et karkhof van Ni’jhooltpae bin vier grafstienen mit teksten in et Stellingwarfs d’r op. (Foto en tekst: Johan Veenstra)
Tael buten deure
359. Steenwieker toorn
Steenwieker toorn,
De mist van de Kaampe,
In et ochtendgloorn,
De sun as ’n laampe
Op de Steenwieker toorn.
‘k Eb overal ezeten,
‘k Eb zoveul ereisd,
Och, ie mossen ies weten
Waor ‘k al bier eb eheisd.
‘k Kan overal an maarken,
Da’k ier bin geboorn,
Want dan mis ik
De grote kaarke
En de Steenwieker toorn.
Refrein
De Onnegiesstraote,
De Maark, ’t Diep,
A’k gien Steenwieks meer praote,
Krieg ik seins de griep.
Gien plaese op eerde
Kan mi’j meer bekoorn,
Want ik kenne de weerde
Van de Steenwieker toorn.
358. ’t Brinkhuus
’t Brinkhuus is de toepasselike naeme van een winkel an de Brink in et prachtige dörp Dwingel. Zo te zien kuj’ d’r kedo’s, kaorten en kleren kopen… (Foto en tekst: Johan Veenstra)
357. ”t ‘Is mooi west’
In De Blesse is op 14 meie aachter et kefé een biezundere aovend. Daor wodt mit live-meziek ofscheid neumen van Appie’s Tiental. Henk Jager, woonachtig in De Blesse, stuurde de foto mit dit bericht.
356. Pollepopkids
Een disko veur kiender in Blesdieke hiet Pollepopkids. Pollepop, veur de grote meensken, komt in disse serie veur as nommer 344. Waoromme bruken meensken in hemelsnaeme dat vreselike woord kids toch? Now ja, we zullen mar zeggen dat smaeken verschillen. Ik gao ongetwiefeld niet mit de tied mit! Bi’j et woord polle zuwwe vermoedelik daenken moeten an een boerderi’je of een flink stok laand; zie ok nommer 344. (Foto en tekst: Johan Veenstra)