Jong van hatte mit et Stellingwarfs de toekomst in
Nommer 139 van de serie ‘Stellingwarfs in ’t wild’ was de eerste die we plaetsten van de mooie bodden in Berkoop mit spreukies van Lamkje Hof-de Boer (1908-1991). Dit bod staot bi’j de Meulehoeke:
Vroeger mos ie hier tol betaelen
Mar now is hier alles vri’j
Ie meugen hier overal henne dwaelen
Berkoop ropt: kom bewonder mi’j
De Stienekamp is een straotnaeme in et ni’jbouwwiekien van De Fochtel. (Johan Veenstra)
In Raevenswoold het et baankien dat uutkikt op de Eerste Wiek sund kot een mooie en toepasselike Stellingwarver naeme kregen: Kiek op e wiek. Aenlik schrieven we in et Stellingwarfs ‘e, en dat zol mit een lottien varve zo nog even anpast wodden kund… Renée Hulzinga en Gerda Schaufeli bin de initiatiefnemers; zi’j zetten heur tegere ok al een hiele poze in veur de anleg van een voetpad langs de Meester Lokstraote. Ok dat liekt now veur mekaander te kommen.(Foto: Renée Hulzinga)
In plak van et goeie Stellingwarver woord oold wodt ok nogal es old schreven. Dat is krek zo mit et woord hoolt, dat wodt nog wel es as holt schreven. De schoele van Ni’jhooltpae hiet zodoende ’t Holtpad. Et was vanzels niet verkeerd dat as meensken Stellingwarver naemen geven willen, wat slim mooi is, ze dan even infermeren zollen naor de juuste spelling. (Tekst en foto’s: Johan Veenstra)
Et Proeme nust is de naeme van een gebouw in Scharpenzeel. D’r is daor van alles en nog wat te doen. Ie vienen d’r, neffens heur webstee, een escape room, fitnesscentrum, lunchroom en winkel. (Foto’s en tekst: Johan Veenstra)