Jong van hatte mit et Stellingwarfs de toekomst in
Ok in Limburg komt meertaelighied in et eupenbaor veur. Op disse foto’s, die instuurd wodden deur Harmen Houtman, bin twie plaknaembodden te zien. Die van Vaals en Slenaken. Onder de Nederlaanse naemen staon mitien de naemen Vols en Sjlennich; zo hieten de plakken in de tael van de streek.
Is et now niet verschikkelik aorig dat aj’ in een bepaold gebied kommen en ie zien mitien wat biezunders, wat eigens van van die streek?
Aachter de Stellingenweg in Hooltpae staot een woonboerderi’je mit de mooie Stellingwarver naeme ‘Meulepolle’. Op dit plak het vroeger een zaodmeule staon. Freddie de Vries zorgde veur de beide foto’s veur Stellingwarfs in et ‘wild’.
Et oolde kefé in de midden van et dörpien Ni’jhooltpae hiet ‘De schieve deure’. Veur de rebriek Stellingwarfs in et ‘wild’ stuurde Freddie de Vries van Hooltpae de beide foto’s toe.
Freddie de Vries van Hooltpae stuurde disse foto’s van de schoele in zien dörp veur Stellingwarfs in et ‘wild’. Die schoele hiet ‘De Striepe’; striepe is et Stellingwarver woord veur een lange, smalle stroke laand. En juust, op zoe’n stroke is de schoele eertieds bouwd.
Annie Dedden stuurde veur Stellingwarfs in et ‘wild’ disse foto’s mit de prachtige Stellingwarver naeme ‘Hevetille’. Et is de naeme van een straote in Noordwoolde. Een hevetille is een drievende plaantelaoge zonder vaaste ondergrond in een moerasachtig gebied. Ie kun d’r mar beter niet op staon gaon… Et woord hevetille wodt bruukt in veural Stellingwarf-Oostaende, mar ok in Blesdieke, Buil, De Hoeve, Ni’jhooltpae. Noordwoolde, Spange en Scharpenzeel. In sommige ere plakken wodde et verschiensel ok wel tilleven, evertille, tilheve of hevetil nuumd.