Tael buten deure

Aj’ de Spoekedam, een mooi gebied van Staotsbosbeheer om de Spoekeplas in Noordwoolde henne weer uutlopen, ziej’ ok et gebruuk van et Stellingwarfs op nog een bod van SBB. Tot kiekes, zeggen ze, en dat zal grif gebeuren, want et is een mooi gebied. Eerder zaggen we in de serie Stellingwarfs in et ‘wild’ ok al ‘Tot kiek es’, mar dan bi’j een plaknaemebod van Noordwoolde. En veur wie now daenkt is et now ‘kiekes’ of ‘kiek es’: et laeste is goed.  Et gaot ommes om twie woorden, in et Nederlaans zol et ‘kijk eens’ wezen. De foto wodde instuurd deur Henk Jager van Berkoop.

Henk Jager van Berkoop stuurde veur Stellingwarfs in et ‘wild’ disse foto op van een bod van Staotsbosbeheer in Noordwoolde. Op et bod staot de Stellingwarver naeme van de poele die daor ligt, en dat is de ‘Spoekeplas’. Sund 2016 bin in de perveensie alle waeternaemen officieel in et Fries, in Stellingwarf gelt dat liekewel veur de Stellingwarver waeternaemen. Dus ok die van de ‘Spoekeplas’.

In Noordwoolde hebben hiel wat straoten een Stellingwarver naeme. Dat geldt ok veur de straote ‘De Kwekerije’. Et zal grif zo wezen dat hier eerder een kwekeri’je op dit plak was. Annie Dedden maekte beide foto’s veur de rebriek Stellingwarfs in et ‘wild’. 

Annie Dedden zorgde veur nr. 77 van de serie Stellingwarfs in et ‘wild’. In Hooltwoolde het de tandartsepraktiek daor een Stellingwarver naeme: ”t Olde Wold’. Et vaalt ok hier op dat meensken gauwachtig daenken dat ze woorden as ‘oold’ en ‘woold’ mit iene ‘o’ schrieven moeten. In et Stellingwarfs schrieven we liekewel die wat langere klaank mit twie o’s.

Tussen Der Izzerd en Ni’jhooltpae ligt een mooi netuurgebied dat in eigendom is van It Fryske Gea. Et gebied ligt bi’j een oolde takke van de revier De Kuunder en hiet daoromme dan ok ‘Oolde Kuunder’. Veur de foto’s zorgde Freddie de Vries van Hooltpae.