In de woonwiek De Meulepolle in Wolvege komt de straotnaeme Meulestraat veur. Een betien een wonderlik klinkende naeme: half Stellingwarfs, half Nederlaans. Wie bedaenkt zoks toch? Ze hadden d’r indertied beter Meuleweg van maeken kund! Johan Veenstra stuurde de fot in veur Stellingwarfs in et ‘wild’.
57. ’t Kalverkaampie
An de Zuderweg in Steggerde ligt de minicamping ’t Kalverkaampie. Vroeger leupen de kalver vaeks in een kaampien laand vlakbi’j de boerderi’je. Dat was ok et geval in Steggerde, vandaor disse mooie Stellingwarver naeme die an eertieds herinneren dot. De foto wodde veur Stellingwarfs in et ‘wild’ instuurd deur Annie Dedden.
Oplossing novemberpuzeltien Spreukekelender 2015
e
re
ree
pree
peers
strepe
poester
Dan hebben wi’j nog niks te klaegen
Dan hebben wi’j nog niks te klaegen
Jan Saanders Klaos zat lessendaegs
Bi’j Ties van Geert wat op te snieden.
‘Ie hebben now,’ zo zwetste Jan,
‘Gien winters meer as vroeger tieden!
Wat is mi’j now zoe’n druppien sni’j!
Dan mag ’t mi’j nog wel aanders heugen!
Et was van ien- op twienentachtig,
Doe lag die sni’j, da’s ongeleugen,
Bi’j Pake an de daoke toe!
Et kachellit was vaaste vreuren!
En nargens kon ie onder ’t ies
Een spraankien waeter meer bespeuren!
Doe laggen in de Weme-bos
De haezen in de eksternusten!
En op een keer zat dokter Sluus
Op ’t klokkehuus wat uut te rusten!’
(Uut: ‘De oolde pook’, haast 1970)