Uut de Ovend van 1997, no. 3, blz. 7.
Stellingwarfs tiedschrift DE OVEND vuuftig jaor! (26) – Receptie 25-jaorig bestaon
386. Piraten uut de regio, bandties kiek’n
Eerdaegs is et weer zoveer. Dan is d’r in Stienwiekerwoold et festival Dicky Woodstock. Op de poster, die Henk Jager in De Blesse zag, en waor hi’j disse foto’s va maekte, zag hi’j de volgende naemen in et Stellingwarfs: Piraten uut de regio, Tik van de Meule, Bierboekschoemmm, Bandties kiek’n, Klompen mark en Zwientietikken. Hier en daor wel mit een spellingsfout, mar daor zal et meziekplezier op 4, 5 en 6 augustus grif niet minder om wezen!
385. Kiek uut, drokte
Vanwegens et overstikken van de Markeweg naor de feesttente van et dörpsfeest van Blesdieke is veur alle wissighied disse waorschouwing plaetst. (Foto en tekst: Henk Jager)
384. ’t Vermanings ‘uus
Aachter de deupsgezinde karke van Gieteren staot ’t Vermanings ‘uus. Daor kun tentoonstellings, fesies en vergeerderings hullen wodden. Een deupsgezinde karke wodt ok wel Vermaning nuumd. De karke in Gieteren stamt uut 1871, mar al in 1563 wodde d’r over een deupsgezinde gemiente in Gieteren schreven. (Foto en tekst: Johan Veenstra)