Waor aj’ op et mement ok kommen, overal staot de netuur in de bluui. Zoas hier op ‘e Miente, niet veer van de Jan Hannenpoele. Daor bluuit now de ‘Zoere klaover’, ok wel ‘Klaoverzuring’ nuumd. De wetenschoppelike naeme van et prachtig wibluuiende klaorvertien is Oxalis acetosella. Zoere klaover is een bosplaante van liemerige grond. Hi’j gruuit in verscheidene laenen en oolde bossen. Ere plakken daor aj’ de plaanties zien kunnen bin in de laene aachter de hervormde karke van Steggerde en aachter de kuierbos in ’t zuden van Oosterwoolde. De zoere blaeden kun uut de haand eten wodden. (Gegevens: Et Stellingwarver Plaanteboek, Henk J. Jager, Berkoop, 2006)
De foto’s bin maekt deur Jaap Elzenaar van De Hoeve.