Jong van hatte mit et Stellingwarfs de toekomst in
Dit was de naeme van een huus an de Vriesburgerweg in Ni’jhooltpae. De bungalow is in 2020 ofbreuken. Hier leup vroeger Scheenstra’s Wiek. De Wiek zeden we meerst in Ni’jhooltpae. As kleinjongen ploempsten we daor in et waeter omme. De Wiek was vroeger ok een haven veur schippen. Een goeie vuuftig jaor leden begon de firma Punter hiere mit een zaandwinning/zaandgreveri’je. Punter het de boel een jaormennig leden verkocht an De Waard, grondverzet.b.v. Tekst en foto: Johan Veenstra.
Dit is de naeme van een huus an de deurgaonde weg op ’e Oosterstreek, tussen Buil en Noordwoolde. Et hadde wat de spelling anbelangt eins ’t Lege Huus wezen moeten. Et huus ligt inderdaod een betien lege. Foto’s en tekst: Johan Veenstra.
Tiedens iene van heur kuiers om Wolvege henne zag Annie Dedden kotleden disse ni’je baank staon. Hi’j is te vienen an et pad dat van De Miente naor de Pieter Stoefzaandweg lopt, en zicht d’r arg mooi uut, vertelde ze. De baank wodde anbeuden deur Tine Bouma; Johan Veenstra zorgde, op heur verzuuk, veur de Stellingwarver tekst.
Op de Friestaelige webstee www.itnijs.nl bin drie meensken in gesprek over heur ni’je baene in de streektael. Ok de ni’je direkteur van de Stellingwarver Schrieversronte Abel Darwinkel praot mit, al dot hi’j dat nog niet in et Stellingwarfs, mar in zien memmetael, et Noord-Drents.
Aj’ hier https://www.itnijs.frl/2021/02/fideo-myn-berop-is-streektaal/ klikken, kuj et filmpien bekieken…
De laeste jaoren bin de bossen in Berkoop prachtig opknapt deur een koppeltien vri’jwilligers. Op et plak daor vroeger in de Meulebosch een prieel ston, is now weer een prieel bouwd. In 2019 was dat mooie, sierlike gebouwgien klaor! Binnenin is een bottien bevestigd mit daor een tekst in et Stellingwarfs op! (Foto’s en tekst: Johan Veenstra)