Tael buten deure

330. De Goorn

door

De Goorn is de naeme van een straote in Oosterwoolde. Een goorn is een hoekien laand mit meerst boswallen d’r ommehenne dat tegen et arf van een boerderi’je  ligt. Et wodde bruukt veur et weiden van kalver, laomer of schaopen. Et wodde ok wel as gruuntetuun bruukt. (Foto en tekst: Johan Veenstra)

329. Voegelhokkies

door
In Steggerde zag Henk Jager dat disse fleurige voegelhokkies te koop binnen. ‘Jammer genoeg ha’k de beurs niet bi’j me’, gaf Henk an doe hi’j disse foto instuurde. Mar hi’j zal eerdaegs grif die kaante nog een keer op gaon!

328. De Krimpe

door

De Krimpe is de naeme van een huus an de Frieseweg in Ooldemark. Mar een peer honderd meter buten de Stellingwarven. Een krimpe is een hoeke an de buterkaant van een huus. Meerstal tussen et woonhuus en de schure. (Foto’s en tekst: Johan Veenstra)

327. Loohuus

door
Loohuus is een kleine buurtschop die noordelik van Schrappinge ligt. De naeme zol ‘huus in de bos’ betekenen. (Foto’s en tekst: Sietske Bloemhoff)

326. Schrappinge

door

Schrappinge is een kleine buurtschop die te vienen is an de weg van Oosterwoolde naor De Haule. De buurtschop bestaot uut mar uut twie plaetsen: nr. 25 en 26. Ok hier is de geschiedenis van de omgeving mooi zichtber opneumen in et laandschop op iene van de infermaosiebodden die indertied plaetst binnen deur de HV Oosterwoolde in saemenwarking mit de Stellingarver Schrieversronte. (Foto’s en tekst: Sietske Bloemhoff)