Jong van hatte mit et Stellingwarfs de toekomst in
De Stoeke is een straotnaeme in Wolvege, in een buurt daor de naemen wat te maeken hebben mit et riet- en waeterlaand van de Westhoeke van West-Stellingwarf. Een bepaold tal bossen of garven rogge of (in dit geval) riet wodt an de stoeke zet. (Foto en tekst: Johan Veenstra)
Dit huus an de Idzardaweg op Der Izzerd het de naeme klaover drie. Hier het de femilie Bruinsma een hattehoolderi’je. Aj’m dus graeg hattevleis hebben willen kuj’m dat hier bezetten. (Foto’s en tekst: Johan Veenstra)
Stellingwarfs in et ‘wild’ komt ok veur op ‘e Langelille. Dat zag Annie Dedden doe ze een fietstochien in de omgeving van dat kleine dörpien in de Westhoek zag. De kiender hebben daor een eigen speulplak mit de Stellingwarver naeme ‘Oons hoekien’.
Henk en Philomène Bloemhoff zaggen een schoffien leden in Frankriek weer een mooi veurbeeld van twietaelighied. Dit keer in et Fraanse depattement Corrèze. De gemiente Curemonte wodt anduded in et Fraans, mit daoronder de naeme in et Occitaans, een streektael die nog altied bruukt wodt.
Waor aj’ Berkoop ok binnenkommen, ie wo’n altied welkom hieten mit een mooi spreukien van Lamkje Hof-de Boer (1908-1991). Zoas hier an et oolde en zo mooie Schuinpad:
Kom mar veerder rie mar deur
Want ie bin aanst zo te plak
In oons mooie kleine dörpien
Bin ie zo op je gemak