Uut de Ovend van September 1980, no.4, blz. 127
Stellingwarfs tiedschrift DE OVEND vuuftig jaor! (9) – Hooltgravure, D.K. Koopmans
Stellingwarfs tiedschrift DE OVEND vuuftig jaor! (8) – Tillevisie debuut
Op ‘e tillevisie
De Schrieversronte het zoas jim weten zien t.v.-debuut maekt. Aorig is et fotogien van de heer Martin van Nieuwenhoven, dat hi’j ‘exclusief’ veur De Ovend maekte. We drokken et hierbi’j of.
Uut de Ovend van April 1979, no.2, blz. 4.
337. Haulerdiek
Tussen de buurtschop De Weper bi’j Oosterwoolde en et plakkien De Haule ligt een weg die an de iene kaante van et reviertien ’t Grootdiep Schrappinga hiet, en an de ere kaante de Haulerdiek. (Foto en tekst: Sietske Bloemhoff)
336. De Weper
De buurtschop De Weper was altied iene van de mooiste buurtschoppen om Oosterwoolde henne. Et gong om een zonuumde kernesnederzetting, mit vier boerderi’jen om een mandielige brink henne, bouwlanen op de es, en hujlanen bi’j ’t Grootdiep. Zo was et, want vandaege-de-dag is d’r weinig over van de buurtschop, die zokke dudelike Drentse trekkies hadde. (Foto en tekst: Sietske Bloemhoff)
335. Blijf Stellingwarfs
Op et verkiezings-anplakbiljet van WB staot de Stellingwarver tekst De kop d’r veur. Zie nommer 331 van disse serie. Hier een foto die op et ogenblik om een lanteernpaol in Ni’jhooltpae hangt van de poletieke perti’j Blijf Stellingwarfs. De naeme van die perti’j is dus half in et Stellingwarfs. Et was mooier west as et Blief Stellingwarfs west was. Mar… et begin is d’r! (Foto en tekst: Johan Veenstra)